Тропари

1 Тропарь глас 8

Правосла́вия ревни́телю, милосе́рдия наста́вниче,/
Гра́ду Александри́и пресла́вный свети́льниче,/
Святи́телю о́тче Иоа́нне Ми́лостиве,/
Ни́щия возлюби́вый и сия́ удовли́вый,/
Доброде́тельми твои́ми ве́рныя просве́тил еси́.//
Моли́ Христа́ Бо́га спасти́ся душа́м на́шим.

2 Тропарь глас 8

В терпе́нии твое́м стяжа́л еси́ мзду твою́ о́тче преподо́бне,/
В моли́твах непреста́нно терпе́вый,/
Ни́щия возлюби́вый и сия́ удовли́вый./
Но моли́ся Христу́ Бо́гу, Иоа́нне Ми́лостиве, блаже́нне,//
Спасти́ся душа́м на́шим.

Кондак глас 2

Бога́тство твое́ расточи́л еси́ убо́гим,/
И небе́сное бога́тство ны́не восприя́л еси́, Иоа́нне всему́дре,/
Сего́ ра́ди вси тя почита́ем,//
Соверша́юще па́мять твою́, ми́лостыни о тезоимени́те.

Величание.

Велича́ем тя,/ святи́телю о́тче Иоа́нне,/
и чтим святу́ю па́мять твою́,//
ты бо мо́лиши о нас Христа́ Бо́га на́шего.

Оставить комментарий

Добавить комментарий